Бишкекте 20дан ашык алдамчылыкка шектелген аял кармалды

Бишкекте алдамчылыкка шектелген жаран кармалды. Бул тууралуу шаардык милиция билдирип, анын 20дан ашык эпизодго тиешеси бар экенин белгиледи.

Маалым болгондой, 15-февралда Т.А. аттуу жаран милицияга арыз менен кайрылып, анда М. аттуу аялга карата чара көрүүнү суранган. Арыз ээсинин айтымында, 12-январда аталган жаран анын ишенимине кирип, 8 даана тигүүчү машина жеткирип берем деген шылтоо менен 319 миң сом акча каражатын алып, изин жашырып кеткен.

Бул факт боюнча Кылмыш-жаза кодексинин 209-беренеси (Алдамчылык) менен кылмыш иши козголгон. Натыйжада 1987-жылы туулган М.Т. аттуу жаран кармалды. Шектүү ушул сыяктуу жалпы 20дан ашык кылмышка шетелүүдө. Учурда ага карата бөгөт коюу чарасы катары электрондук көзөмөл тандалды.

Тергөө уланууда.