"Абайлагыла, жол тайгак!" Ош – Бишкек жолунда унаа кырсыктады (видео)

Бүгүн, 14-ноябрга караган түнү Ош – Бишкек унаа жолунда жол кырсыгы катталды. Бул тууралуу видео социалдык тармактарга жарыяланды.

Видеодон Sonata үлгүсүндөгү унаа тайгаланып, жолдун четине чыгып кеткенин көрүүгө болот.

Күбө жолдун муз тоңуп, тайгак экенин айтып, айдоочуларды этият болууга чакырды.

"Ош-Бишкек жолу, абайлагыла! Билинбегени менен жол тайгак, көпкөк муз болуп турат", — деген ал.

Азырынча кырсыктын кесепеттери тууралуу расмий маалымат жок.