Ошто 4 жарандын үйү тинтүүгө алынды (видео)

Ош шаарында жана Кара-Суу районунда экстремисттик аракеттерге шектелгендердин үйлөрүндө тинтүү жүргүзүлдү. Бул тууралуу Ош шаардык милициясы билдирди.

Маалыматка ылайык, Оштун Кара-Суу районунун 32 жана 45 жаштагы тургундарынын үйлөрүнөн 3 телефон, 19 даана DVD диск, 16 даана китепчелер табылган. Ал эми Ош шаарынын 25 жана 34 жаштагы тургундарынын жашаган жерлеринен 7 телефон, 3 ноутбук, 3 бычак, 1 кастет, 14 китепчелер алынган.

Аталган шектүү жарандар милицияга жеткирилишип, алынган далил буюмдарга тиешелүү соттук-экспертизалар дайындалган. Учурда тергөө иштери уланууда.