Башка бирөөнүн айдоочулук күбөлүгүн колдонуп жүргөн жаран аныкталды

Башка адамга таандык айдоочулук күбөлүктү колдонуп келген жаран аныкталды. Бул тууралуу милициянын Кайгуул кызматы кабарлады.

Маалымдалгандай, ал айдоочулук күбөлүктү таап алып, колдонуп жүргөн. Ал эми айдоочулук күбөлүгүн жоготкон жаран аталган кызматка арыз менен кайрылган.

Учурда бул факт боюнча териштирүү иштери жүргүзүлүүдө. Бардык жагдайлар такталып, тиешелүү чаралар көрүлөт.