Кадамжай: Селдин кесепетинен айрым жолдор убактылуу жабылды

Кадамжай районунда катталган селдин кесепетинен Кызыл-Булак – Ак-Кыя жана Кызыл-Булак – Тамаша унаа жолдору убактылуу жабылды. Бул тууралуу окуяга күбөлөр маалымдады.

Ошондой эле аймакта электр энергиясы үзгүлтүккө учураганы кабарланды.

Бул жол аркылуу Өзбекстандын Шахимардан анклавына да каттам жүргүзүлөт.

Тамаша айылына бараткан ички жолдор да селден жабыркаган.

Учурда тиешелүү кызматтар жеринде калыбына келтирүү жана тазалоо иштерин жүргүзүүдө.