Бишкекте үй-бүлөлүк зомбулук фактысы боюнча кылмыш иши козголду

Бишкек шаарынын Октябрь райондук ички иштер бөлүмүнө К.А. аттуу жаран жазуу жүзүндө арыз менен кайрылып, жолдошу О.Ж.га карата чара көрүүнү суранган.

Анын айтымында, 2026-жылдын 5-июнунда болжол менен саат 15:30 чамасында 4-кичи райондо жайгашкан батирде үй-бүлөлүк чыр-чатак учурунда күйөөсү ага бир нече жолу денесине залал келтирген.

Бул факты боюнча Октябрь РИИБинин тергөө кызматы тарабынан кылмыш иши козголгон.

Аталган мекемеден билдиришкендей, ыкчам иликтөө иштеринин жүрүшүндө 1991-жылы туулган О.Ж. аттуу шектүү аныкталып, кармалган. Ал КЖПКнын 96-беренесине ылайык убактылуу кармоочу жайга киргизилген.

Кийин Бишкек шаарынын Октябрь райондук соту шектүүгө карата бир ай мөөнөткө камакка алуу түрүндөгү бөгөт чарасын тандаган.

Иш боюнча тергөө иштери уланууда.