Маршруткада кызды жашыруун видеого тартууга шектелген жигит кармалды

Бишкекте маршруткада кыздын буттарын көйнөгүнүн алдынан жашыруун видеого тарткан жаран аныкталды. Бул тууралуу шаардык милиция билдирди.

Белгилей кетсек, аталган видео интернет желесине тарап, коомчулукта нааразычылык жаратты.

Милициянын ыкчам-издөө иштеринин натыйжасында 1993-жылы туулган Э.П. аттуу жаран кармалып, райондук башкармалыкка жеткирилди. Ага карата карата Укук бузуулар кодексинин 126-беренеси (Майда бейбаштык) боюнча протокол түзүлүп, шектүү убактылуу кармоочу жайга киргизилди.