"Мени карма!" Бишкекте автоээнбаштык кылышкан өспүрүмдөр кармалышты

Бишкекте автоээнбаштык кылууга шектелип жашы жете элек балдар кармалышты. Бул тууралуу милициянын Кайгуул кызматы билдирди.

Маалымдалгандай, алар унаанын мамлекеттик номурун жашырып алышып, автоээнбаштык кылышкан. Натыйжада, унаа табылып, айып короого токтотулган. Ал эми баланын атасына, унаанын ээсине 15 миң сом айып пул салынган. Ошондой эле жашы жете электерге түшүндүрүү иштери жүргүзүлгөн.

Балдар социалдык тармактар аркылуу "Мени карма!" деген чакырык менен видеокайрылуу кылышкан.