Баңгизат колдонуп, туугандарына кол салууга шектелген жаран кармалды

Баңгизаттарды мыйзамсыз сактоого, жакындарынын өмүрүнө кол салууга шектелип 56 жаштагы жаран кармалды. Бул тууралуу бүгүн, 25-сентябрда Улуттук коопсуздук мамлекеттик комитети билдирди.

Маалымдалгандай, ал 35 жыл бейбаштык, тоноо, зордуктоо фактылары менен абакта отуруп чыккан. Шектүү эркиндикке чыккандан кийин да кылмыштуу иштерин уланткан. Ал баңгизат колдонуп алып, жакын туугандарын бир нече жолу өлүм менен коркутуп келген.

Анын жашаган жеринен ири өлчөмдө баңгизат каражаттары табылган. Ал убактылуу кармоочу жайга киргизилди.